ខ្មែរប៉ុស្ដិ៍ Close

នាវា​មុជទឹក​ខ្នាត​តូច​របស់​ Elon Musk បង្កើតរួចហើយ ដើម្បីជួយក្មេងទាំង ១៣ នាក់ជាប់ក្នុងរូងភ្នំ

ដោយ៖ សន ប្រាថ្នា ​​ | ថ្ងៃចន្ទ ទី៩ ខែកក្កដា ឆ្នាំ២០១៨ បច្ចេកវិទ្យា 425
នាវា​មុជទឹក​ខ្នាត​តូច​របស់​ Elon Musk បង្កើតរួចហើយ ដើម្បីជួយក្មេងទាំង ១៣ នាក់ជាប់ក្នុងរូងភ្នំនាវា​មុជទឹក​ខ្នាត​តូច​របស់​ Elon Musk បង្កើតរួចហើយ ដើម្បីជួយក្មេងទាំង ១៣ នាក់ជាប់ក្នុងរូងភ្នំ

នាវា​មុជទឹក​ខ្នាត​តូច​ដែល​ផលិត​ដោយ​ក្រុម​ការងារ​របស់​លោក Elon Musk បាន​បង្ហាញ​រូបរាង​ជា​ផ្លូវ​ការ​ តាម​រយៈ​គណនី​ Twitter របស់​លោក​ Elon Musk ផ្ទាល់។

នៅ​លើ​គណនី​ Twitter មហាសេដ្ឋី​រូប​នេះ​មាន​ឃើញ​បង្ហោះ​រូបភាព​ និង​វីដេអូ​ជា​ច្រើន​ដែល​បង្ហាញ​អំពី​នាវា​មុជទឹក​ខ្នាត​តូច ដែល​ផលិត​ឡើង​ដើម្បី​យក​ទៅ​សង្គ្រោះ​សមាជិក​ក្រុម​បាល់​ទាត់​របស់​ថៃ​កំពុង​ជាប់​ក្នុង​ល្អាង។

រូបភាព​មាន​បង្ហាញ​ថា​នាវា​មុជទឹក​នេះ​ពិត​ជា​មាន​ទំហំ​តូច​​ខ្លាំង​ ប៉ុន្តែ​គេ​ជឿ​ថា​ក្មេង​វ័យ​ជំទង់​អាច​ចូល​ក្នុង​នាវា​នេះ​បាន។ គួរ​ដឹង​ថា​នាវា​នេះ​មាន​រន្ធ​ខ្យល់​ និង​ឧស្ម័ន​អុកស៊ីហ្សែន​ចំនួន​ ៤ ទាំង​មុខ​និង​ក្រោយ សម្រាប់​ឲ្យ​ក្មេង​អាច​ដក​ដង្ហើម​បាន។

​កាល​ពី​ល្ងាច​ថៃ​អាទិត្យ (ម៉ោង​នៅ​រដ្ឋ​ California) លោក Elon Musk បាន​​បញ្ជាក់​ថា ៖ “ធ្វើ​តេស្ត​ ៣ ម៉ោង​បន្ថែម​ទៀត​ បន្ទាប់​មក​នឹង​ត្រូវ​ឡើង​យន្តហោះ​​ទៅ​ប្រទេស​ថៃ​ហើយ”។

បេសកកម្ម​សង្គ្រោះ​ក្មេងៗ​ជាប់​​ក្នុង​ល្អាង​ដែល​បាន​ចាប់​ផ្ដើម​កាល​ពី​ម្សិលមិញ​នេះ មក​ទល់​បច្ចុប្បន្ន​គឺ​អាច​សង្គ្រោះ​ក្មេងៗ​បាន​ចំនួន ៤ នាក់​ហើយ ដោយ​នៅ​សេស​សល់​ ៨ នាក់​ទៀត​កំពុង​ជាប់​ក្នុង​ល្អាង រួម​ទាំង​គ្រូ​បង្វឹក​​មួយ​រូប​ផង​ដែរ៕

អត្ថបទទាក់ទង