ទិដ្ឋភាពទូទៅនៃការបោះឆ្នោតជ្រេីតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ នៅមណ្ឌលភូមិភាគទី៨ ខេត្តព្រះវិហារ
នាព្រឹកថ្ងៃអាទិត្យ ទី២៥ ខែកុម្ភ: ឆ្នាំ២០២៤ ដែលជាថ្ងៃបោះឆ្នោតជ្រេីសតាំងសមាជិកព្រឹទ្ធសភា អាណត្តិទី៥ ឆ្នាំ២០២៤ សម្រាប់ខេត្តព្រះវិហារ ចំណុះអោយភូមិភាគទី៨ ឃេីញមានវត្តមានអង្គបោះឆ្នោត ជាមេឃុំ ចៅសង្កាត់ ជំទប់ទី១ ជំទប់ទី២ និងសមាជិកក្រុមប្រឹក្សាឃុំសង្កាត់ ចំណុះអោយបណ្ដាក្រុងស្រុកទាំង៨ក្នុងខេត្ត ដែលជាអ្នកបោះឆ្នោតតំណាងអោយប្រជាពលរដ្ឋរបស់ខ្លួននៅក្នុងមូលដ្ឋានយ៉ាងច្រេីនកុះករបានរូតរះមកបោះឆ្នោតជាហូរហែរ ដោយទឹកមុខរីករាយ និងពោពេញដោយទំនុកចិត្តសម្រាប់ការជ្រេីសរេីសបេក្ខភាពគណបក្សនយោបាយដែលគាត់ពេញចិត្តសម្រាប់បន្ដដឹកនាំនៅក្នុងអាណត្តិទី៥នេះ។
ទន្ទឹមនេះ ក៏មានវត្តមានឯកឧត្តម មាស សុភា អ្នកតំណាងរាស្ដ្រមណ្ឌលខេត្តព្រះវិហារ ក៏បានអញ្ជេីញមកចូលរួមបោះឆ្នោតជ្រេីសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ នៅមណ្ឌលបោះឆ្នោតខេត្តព្រះវិហារ (ការិយាល័យលេខ៨០០៤) ស្ថិតនៅវិទ្យាល័យចំណេះទូទៅ និងបច្ចេកទេស ជា ស៊ីម ត្បែងមានជ័យ ស្ថិតក្នុងភូមិសាស្ដ្រទីប្រជុំជនក្រុងព្រះវិហារ ខេត្តព្រះវិហារ។
ការបោះឆ្នោតជ្រេីសតាំងសមាជិកព្រឹទ្ធសភា នីតិកាលទី៥នេះ មានគណបក្សនយោបាយចំនួន០៤ បានចូលរួមប្រកួតប្រជែង រួមមាន៖ ១.គណបក្សប្រជាជនកម្ពុជា, ២.គណបក្សឆន្ទ:ខ្មែរ, ៣.គណបក្សហ៊្វុនស៊ិនប៉ិច និងទី៤.គណបក្សកម្លាំងជាតិ។
សូមបញ្ជាក់ជូនថា អង្គបោះឆ្នោតសម្រាប់ការបោះឆ្នោតជ្រេីសតាំងសមាជិកព្រឹទ្ធសភា នីតិកាលទី៥នេះ គឺមានតែតំណាងរាស្ដ្រក្នុងតំណែង រួមនិងសមាជិកក្រុមប្រឹក្សាឃុំ-សង្កាត់ទាំងអស់ក្នុងតំណែង (តំណាងប្រជាពលរដ្ឋ)។ ដោយឡែកសម្រាប់ប្រជាពលរដ្ឋ គឺពុំត្រូវបានអនុញ្ញាតិឱ្យចូលរួមបោះឆ្នោតនោះឡេីយ ពោលការបោះឆ្នោតនេះ គឺជាការបោះឆ្នោតអសកល ដែលច្បាប់បានកំណត់អ្នកបោះឆ្នោត និងអង្គបោះឆ្នោត គឺជាតំណាងរាស្ដ្រក្នុងតំណែង និងក្រុមប្រឹក្សាឃុំ-សង្កាត់ទាំងអស់ក្នុងតំណែងនៅក្របខណ្ឌនៃភូមិភាគនីមួយៗ។
